2.130
“Saddho, bhikkhave, bhikkhu evaṁ sammā āyācamāno āyāceyya: ‘tādiso homi yādisā sāriputtamoggallānā’ti. Esā, bhikkhave, tulā etaṁ pamāṇaṁ mama sāvakānaṁ bhikkhūnaṁ yadidaṁ sāriputtamoggallānā”ti.
“A faithful bhikkhu, aspiring rightly, should aspire thus: ‘May I become like Sāriputta and Moggallāna!’ For this is the measure and standard for my bhikkhu disciples, namely, Sāriputta and Moggallāna.”
2.131
“Saddhā, bhikkhave, bhikkhunī evaṁ sammā āyācamānā āyāceyya: ‘tādisī homi yādisī khemā ca bhikkhunī uppalavaṇṇā cā’ti. Esā, bhikkhave, tulā etaṁ pamāṇaṁ mama sāvikānaṁ bhikkhunīnaṁ yadidaṁ khemā ca bhikkhunī uppalavaṇṇā cā”ti.
“A faithful bhikkhunī, aspiring rightly, should aspire thus: ‘May I become like the bhikkhunīs Khemā and Uppalavaṇṇā!’ For this is the measure and standard for my bhikkhunī disciples, namely, the bhikkhunīs Khemā and Uppalavaṇṇā.”
2.132
“Saddho, bhikkhave, upāsako evaṁ sammā āyācamāno āyāceyya: ‘tādiso homi yādiso citto ca gahapati hatthako ca āḷavako’ti. Esā, bhikkhave, tulā etaṁ pamāṇaṁ mama sāvakānaṁ upāsakānaṁ yadidaṁ citto ca gahapati hatthako ca āḷavako”ti.
“A faithful layman, aspiring rightly, should aspire thus: ‘May I become like Citta the householder and Hatthaka of Āḷavi!’ For this is the measure and standard for my male lay disciples, namely, Citta the householder and Hatthaka of Āḷavi.”
2.133
“Saddhā, bhikkhave, upāsikā evaṁ sammā āyācamānā āyāceyya: ‘tādisī homi yādisī khujjuttarā ca upāsikā veḷukaṇḍakiyā ca nandamātā’ti. Esā, bhikkhave, tulā etaṁ pamāṇaṁ mama sāvikānaṁ upāsikānaṁ yadidaṁ khujjuttarā ca upāsikā veḷukaṇḍakiyā ca nandamātā”ti.
“A faithful laywoman, aspiring rightly, should aspire thus: ‘May I become like the laywoman Khujjuttarā and Nandamātā from Veḷukaṇḍaka!’ For this is the measure and standard for my female lay disciples, namely, the laywoman Khujjuttarā and Nandamātā from Veḷukaṇḍaka.”
2.134
“Dvīhi, bhikkhave, dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati. Katamehi dvīhi? Ananuvicca apariyogāhetvā avaṇṇārahassa vaṇṇaṁ bhāsati, ananuvicca apariyogāhetvā vaṇṇārahassa avaṇṇaṁ bhāsati. Imehi kho, bhikkhave, dvīhi dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavatīti.
“Endowed with two qualities, an immature, incompetent person lacking in integrity maintains themselves in a maimed and damaged state, is blameworthy and subject to reproach by the wise, and accumulates much demerit. What two? Without examining or scrutinizing, they speak praise of one who deserves dispraise; and without examining or scrutinizing, they speak dispraise of one who deserves praise. Endowed with these two qualities an immature, incompetent person lacking in integrity maintains themselves in a maimed and damaged state, is blameworthy and subject to reproach by the wise, and accumulates much demerit.
Dvīhi, bhikkhave, dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati. Katamehi dvīhi? Anuvicca pariyogāhetvā avaṇṇārahassa avaṇṇaṁ bhāsati, anuvicca pariyogāhetvā vaṇṇārahassa vaṇṇaṁ bhāsati. Imehi kho, bhikkhave, dvīhi dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatī”ti.
Endowed with two qualities, a wise, competent person of integrity maintains themselves in an unmaimed and undamaged state, is blameless and beyond reproach by the wise, and accumulates much merit. What two? After examining and scrutinizing, they speak dispraise of one who deserves dispraise; and after examining and scrutinizing, they speak praise of one who deserves praise. Endowed with these two qualities a wise, competent person of integrity maintains themselves in an unmaimed and undamaged state, is blameless and beyond reproach by the wise, and accumulates much merit.”
2.135
“Dvīhi, bhikkhave, dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati. Katamehi dvīhi? Ananuvicca apariyogāhetvā appasādanīye ṭhāne pasādaṁ upadaṁseti, ananuvicca apariyogāhetvā pasādanīye ṭhāne appasādaṁ upadaṁseti. Imehi kho, bhikkhave, dvīhi dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavatīti.
“Endowed with two qualities, an immature, incompetent person lacking in integrity maintains themselves in a maimed and damaged state, is blameworthy and subject to reproach by the wise, and accumulates much demerit. What two? Without examining or scrutinizing, they manifest serene confidence in what is uninspiring; and without examining or scrutinizing, they manifest lack of confidence in what is inspiring. Endowed with these two qualities an immature, incompetent person lacking in integrity maintains themselves in a maimed and damaged state, is blameworthy and subject to reproach by the wise, and accumulates much demerit.
Dvīhi, bhikkhave, dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati. Katamehi dvīhi? Anuvicca pariyogāhetvā appasādanīye ṭhāne appasādaṁ upadaṁseti, anuvicca pariyogāhetvā pasādanīye ṭhāne pasādaṁ upadaṁseti. Imehi kho, bhikkhave, dvīhi dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatī”ti.
Endowed with two qualities, a wise, competent person of integrity maintains themselves in an unmaimed and undamaged state, is blameless and beyond reproach by the wise, and accumulates much merit. What two? After examining and scrutinizing, they manifest lack of confidence in what is uninspiring; and after examining and scrutinizing, they manifest serene confidence in what is inspiring. Endowed with these two qualities a wise, competent person of integrity maintains themselves in an unmaimed and undamaged state, is blameless and beyond reproach by the wise, and accumulates much merit.”
2.136
“Dvīsu, bhikkhave, micchāpaṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati. Katamesu dvīsu? Mātari ca pitari ca. Imesu kho, bhikkhave, dvīsu micchāpaṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavatīti.
“Acting wrongly toward two individuals, an immature, incompetent person lacking in integrity maintains themselves in a maimed and damaged state, is blameworthy and subject to reproach by the wise, and accumulates much demerit. Toward what two? Toward one’s mother and father. Acting wrongly toward these two individuals an immature, incompetent person lacking in integrity maintains themselves in a maimed and damaged state, is blameworthy and subject to reproach by the wise, and accumulates much demerit.
Dvīsu, bhikkhave, sammāpaṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati. Katamesu dvīsu? Mātari ca pitari ca. Imesu kho, bhikkhave, dvīsu sammāpaṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatī”ti.
Acting rightly toward two individuals, a wise, competent person of integrity maintains themselves in an unmaimed and undamaged state, is blameless and beyond reproach by the wise, and accumulates much merit. Toward what two? Toward one’s mother and father. Acting rightly toward these two individuals a wise, competent person of integrity maintains themselves in an unmaimed and undamaged state, is blameless and beyond reproach by the wise, and accumulates much merit.”
2.137
“Dvīsu, bhikkhave, micchāpaṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati. Katamesu dvīsu? Tathāgate ca tathāgatasāvake ca. Imesu kho, bhikkhave, micchāpaṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavatīti.
“Acting wrongly toward two individuals, an immature, incompetent person lacking in integrity maintains themselves in a maimed and damaged state, is blameworthy and subject to reproach by the wise, and accumulates much demerit. Toward what two? Toward the Tathāgata and a disciple of the Tathāgata. Acting wrongly toward these two individuals an immature, incompetent person lacking in integrity maintains themselves in a maimed and damaged state, is blameworthy and subject to reproach by the wise, and accumulates much demerit.
Dvīsu, bhikkhave, sammāpaṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati. Katamesu dvīsu? Tathāgate ca tathāgatasāvake ca. Imesu kho, bhikkhave, dvīsu sammāpaṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatī”ti.
Acting rightly toward two individuals, a wise, competent person of integrity maintains themselves in an unmaimed and undamaged state, is blameless and beyond reproach by the wise, and accumulates much merit. Toward what two? Toward the Tathāgata and a disciple of the Tathāgata. Acting rightly toward these two individuals a wise, competent person of integrity maintains themselves in an unmaimed and undamaged state, is blameless and beyond reproach by the wise, and accumulates much merit.”
2.138
“Dveme, bhikkhave, dhammā. Katame dve? Sacittavodānañca na ca kiñci loke upādiyati. Ime kho, bhikkhave, dve dhammā”ti.
“There are these two things. What two? Purification of one’s own mind and not clinging to anything in the world. These are the two things.”
2.139
“Dveme, bhikkhave, dhammā. Katame dve? Kodho ca upanāho ca. Ime kho, bhikkhave, dve dhammā”ti.
“There are these two things. What two? Anger and resentment. These are the two things.”
2.140
“Dveme, bhikkhave, dhammā. Katame dve? Kodhavinayo ca upanāhavinayo ca. Ime kho, bhikkhave, dve dhammā”ti.
“There are these two things. What two? Removing anger and removing resentment. These are the two things.”