Reference Translation by Bhikkhu Sujato (CC0).
“Sattime, bhikkhave, dhammā sapattakantā sapattakaraṇā kodhanaṁ āgacchanti itthiṁ vā purisaṁ vā.
“Mendicants, these seven things that please and assist an enemy happen to an irritable woman or man.
Katame satta?
What seven?
Idha, bhikkhave, sapatto sapattassa evaṁ icchati:
Firstly, an enemy wishes for an enemy:
‘aho vatāyaṁ dubbaṇṇo assā’ti.
‘If only they’d become ugly!’
Taṁ kissa hetu?
Why is that?
Na, bhikkhave, sapatto sapattassa vaṇṇavatāya nandati.
Because an enemy doesn’t like to have a beautiful enemy.
Kodhanoyaṁ, bhikkhave, purisapuggalo kodhābhibhūto kodhapareto, kiñcāpi so hoti sunhāto suvilitto kappitakesamassu odātavatthavasano;
An irritable individual, overcome and overwhelmed by anger, is ugly, even though they’re nicely bathed and anointed, with hair and beard dressed, and wearing white clothes.
atha kho so dubbaṇṇova hoti kodhābhibhūto.
Ayaṁ, bhikkhave, paṭhamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
This is the first thing that pleases and assists an enemy which happens to an irritable woman or man.
Puna caparaṁ, bhikkhave, sapatto sapattassa evaṁ icchati:
Furthermore, an enemy wishes for an enemy:
‘aho vatāyaṁ dukkhaṁ sayeyyā’ti.
‘If only they’d sleep badly!’
Taṁ kissa hetu?
Why is that?
Na, bhikkhave, sapatto sapattassa sukhaseyyāya nandati.
Because an enemy doesn’t like to have an enemy who sleeps at ease.
Kodhanoyaṁ, bhikkhave, purisapuggalo kodhābhibhūto kodhapareto, kiñcāpi so pallaṅke seti gonakatthate paṭalikatthate kadalimigapavarapaccattharaṇe sauttaracchade ubhatolohitakūpadhāne;
An irritable individual, overcome and overwhelmed by anger, sleeps badly, even though they sleep on a couch spread with woolen covers—shag-piled, pure white, or embroidered with flowers—and spread with a fine deer hide, with a canopy above and red pillows at both ends.
atha kho so dukkhaññeva seti kodhābhibhūto.
Ayaṁ, bhikkhave, dutiyo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
This is the second thing …
Puna caparaṁ, bhikkhave, sapatto sapattassa evaṁ icchati:
Furthermore, an enemy wishes for an enemy:
‘aho vatāyaṁ na pacurattho assā’ti.
‘If only their needs are not amply satisfied!’
Taṁ kissa hetu?
Why is that?
Na, bhikkhave, sapatto sapattassa pacuratthatāya nandati.
Because an enemy doesn’t like to have an enemy whose needs are amply satisfied.
Kodhanoyaṁ, bhikkhave, purisapuggalo kodhābhibhūto kodhapareto, anatthampi gahetvā ‘attho me gahito’ti maññati, atthampi gahetvā ‘anattho me gahito’ti maññati.
When an irritable individual, overcome and overwhelmed by anger, gets what they don’t need they think, ‘I’ve got what I need.’ When they get what they need they think, ‘I’ve got what I don’t need.’
Tassime dhammā aññamaññaṁ vipaccanīkā gahitā dīgharattaṁ ahitāya dukkhāya saṁvattanti kodhābhibhūtassa.
When an angry person gets these things that are the exact opposite of what they need, it’s for their lasting harm and suffering.
Ayaṁ, bhikkhave, tatiyo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
This is the third thing …
Puna caparaṁ, bhikkhave, sapatto sapattassa evaṁ icchati:
Furthermore, an enemy wishes for an enemy:
‘aho vatāyaṁ na bhogavā assā’ti.
‘If only they weren’t wealthy!’
Taṁ kissa hetu?
Why is that?
Na, bhikkhave, sapatto sapattassa bhogavatāya nandati.
Because an enemy doesn’t like to have an enemy who is wealthy.
Kodhanassa, bhikkhave, purisapuggalassa kodhābhibhūtassa kodhaparetassa, yepissa te honti bhogā uṭṭhānavīriyādhigatā bāhābalaparicitā sedāvakkhittā dhammikā dhammaladdhā, tepi rājāno rājakosaṁ pavesenti kodhābhibhūtassa.
When an individual is irritable, overcome and overwhelmed by anger, the rulers seize the legitimate wealth they’ve earned by their efforts, built up with their own hands, gathered by the sweat of their brow.
Ayaṁ, bhikkhave, catuttho dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
This is the fourth thing …
Puna caparaṁ, bhikkhave, sapatto sapattassa evaṁ icchati:
Furthermore, an enemy wishes for an enemy:
‘aho vatāyaṁ na yasavā assā’ti.
‘If only they weren’t famous!’
Taṁ kissa hetu?
Why is that?
Na, bhikkhave, sapatto sapattassa yasavatāya nandati.
Because an enemy doesn’t like to have a famous enemy.
Kodhanoyaṁ, bhikkhave, purisapuggalo kodhābhibhūto kodhapareto, yopissa so hoti yaso appamādādhigato, tamhāpi dhaṁsati kodhābhibhūto.
When an individual is irritable, overcome and overwhelmed by anger, any fame they have acquired by diligence falls to dust.
Ayaṁ, bhikkhave, pañcamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
This is the fifth thing …
Puna caparaṁ, bhikkhave, sapatto sapattassa evaṁ icchati:
Furthermore, an enemy wishes for an enemy:
‘aho vatāyaṁ na mittavā assā’ti.
‘If only they had no friends!’
Taṁ kissa hetu?
Why is that?
Na, bhikkhave, sapatto sapattassa mittavatāya nandati.
Because an enemy doesn’t like to have an enemy with friends.
Kodhanaṁ, bhikkhave, purisapuggalaṁ kodhābhibhūtaṁ kodhaparetaṁ, yepissa te honti mittāmaccā ñātisālohitā, tepi ārakā parivajjanti kodhābhibhūtaṁ.
When an individual is irritable, overcome and overwhelmed by anger, their friends and colleagues, relatives and kin avoid them from afar.
Ayaṁ, bhikkhave, chaṭṭho dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
This is the sixth thing …
Puna caparaṁ, bhikkhave, sapatto sapattassa evaṁ icchati:
Furthermore, an enemy wishes for an enemy:
‘aho vatāyaṁ kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyyā’ti.
‘If only, when their body breaks up, after death, they’re reborn in a place of loss, a bad place, the underworld, hell!’
Taṁ kissa hetu?
Why is that?
Na, bhikkhave, sapatto sapattassa sugatigamane nandati.
Because an enemy doesn’t like to have an enemy who goes to a good place.
Kodhanoyaṁ, bhikkhave, purisapuggalo kodhābhibhūto kodhapareto kāyena duccaritaṁ carati, vācāya duccaritaṁ carati, manasā duccaritaṁ carati.
When an individual is irritable, overcome and overwhelmed by anger, they do bad things by way of body, speech, and mind.
So kāyena duccaritaṁ caritvā vācāya …pe…
kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati kodhābhibhūto.
When their body breaks up, after death, they’re reborn in a place of loss, a bad place, the underworld, hell.
Ayaṁ, bhikkhave, sattamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
This is the seventh thing that pleases and assists an enemy which happens to an irritable woman or man.
Ime kho, bhikkhave, satta dhammā sapattakantā sapattakaraṇā kodhanaṁ āgacchanti itthiṁ vā purisaṁ vāti.
These are the seven things that please and assist an enemy which happen to an irritable woman or man.
Kodhano dubbaṇṇo hoti,
An irritable person is ugly
atho dukkhampi seti so;
and they sleep badly.
Atho atthaṁ gahetvāna,
When they get what they need,
anatthaṁ adhipajjati.
they take it to be what they don’t need.
Tato kāyena vācāya,
An angry person
vadhaṁ katvāna kodhano;
kills with body or speech;
Kodhābhibhūto puriso,
overcome with anger,
dhanajāniṁ nigacchati.
they lose their wealth.
Kodhasammadasammatto,
Mad with anger,
āyasakyaṁ nigacchati;
they fall into disgrace.
Ñātimittā suhajjā ca,
Family, friends, and loved ones
parivajjanti kodhanaṁ.
avoid an irritable person.
Anatthajanano kodho,
Anger creates harm;
kodho cittappakopano;
anger upsets the mind.
Bhayamantarato jātaṁ,
That person doesn’t recognize
taṁ jano nāvabujjhati.
the danger that arises within.
Kuddho atthaṁ na jānāti,
An angry person doesn’t know the good.
kuddho dhammaṁ na passati;
An angry person doesn’t see the truth.
Andhatamaṁ tadā hoti,
When a person is beset by anger,
yaṁ kodho sahate naraṁ.
only blind darkness is left.
Yaṁ kuddho uparodheti,
An angry person destroys with ease
sukaraṁ viya dukkaraṁ;
what was hard to build.
Pacchā so vigate kodhe,
Afterwards, when the anger is spent,
aggidaḍḍhova tappati.
they’re tormented as if burnt by fire.
Dummaṅkuyaṁ padasseti,
Their look betrays their sulkiness
dhūmaṁ dhūmīva pāvako;
like a fire’s smoky plume.
Yato patāyati kodho,
And when their anger flares up,
yena kujjhanti mānavā.
they make others angry.
Nāssa hirī na ottappaṁ,
They have no conscience or prudence,
na vāco hoti gāravo;
nor any respectful speech.
Kodhena abhibhūtassa,
One overcome by anger
na dīpaṁ hoti kiñcanaṁ.
has no island refuge anywhere.
Tapanīyāni kammāni,
The deeds that torment a man
yāni dhammehi ārakā;
are far from those that are good.
Tāni ārocayissāmi,
I’ll explain them now;
taṁ suṇātha yathā tathaṁ.
listen to this, for it is the truth.
Kuddho hi pitaraṁ hanti,
An angry person slays their father;
hanti kuddho samātaraṁ;
their mother, too, they slay.
Kuddho hi brāhmaṇaṁ hanti,
An angry person slays a saint;
hanti kuddho puthujjanaṁ.
a normal person, too, they slay.
Yāya mātu bhato poso,
A man is raised by his mother,
imaṁ lokaṁ avekkhati;
who shows him the world.
Tampi pāṇadadiṁ santiṁ,
But an angry ordinary person slays
hanti kuddho puthujjano.
even that good woman who gave him life.
Attūpamā hi te sattā,
Like oneself, those sentient beings
attā hi paramo piyo;
hold themselves most dear.
Hanti kuddho puthuttānaṁ,
But when angered, they kill themselves in different ways,
nānārūpesu mucchito.
distraught in many respects.
Asinā hanti attānaṁ,
Some kill themselves with swords,
visaṁ khādanti mucchitā;
some, distraught, take poison.
Rajjuyā bajjha mīyanti,
Some hang themselves with rope,
pabbatāmapi kandare.
or fling themselves down a mountain gorge.
Bhūnahaccāni kammāni,
When they commit deeds of killing babes
attamāraṇiyāni ca;
and killing themselves,
Karontā nāvabujjhanti,
they don’t realize what they do,
kodhajāto parābhavo.
for anger leads to their downfall.
Itāyaṁ kodharūpena,
The snare of death in the form of anger
maccupāso guhāsayo;
lies hidden in the heart.
Taṁ damena samucchinde,
You should cut it out by self-control,
paññāvīriyena diṭṭhiyā.
by wisdom, energy, and right ideas.
Yathā metaṁ akusalaṁ,
An astute person should cut out
samucchindetha paṇḍito;
this unskillful thing.
Tatheva dhamme sikkhetha,
And they’d train in the teaching in just the same way,
mā no dummaṅkuyaṁ ahu.
not yielding to sulkiness.
Vītakodhā anāyāsā,
Free of anger, free of despair,
Vītalobhā anussukā;
free of greed, with no more longing,
Dantā kodhaṁ pahantvāna,
tamed, having given up anger,
Parinibbanti anāsavā”ti.
the undefiled are fully extinguished.”
Ekādasamaṁ.
Abyākatavaggo chaṭṭho.
Tassuddānaṁ
Abyākato purisagati,
Tissa sīha arakkhiyaṁ;
Kimilaṁ satta pacalā,
Mettā bhariyā kodhekādasāti.
Reference Translation by Bhikkhu Sujato (CC0).
“Mendicants, these seven things that please and assist an enemy happen to an irritable woman or man.
What seven?
Firstly, an enemy wishes for an enemy:
‘If only they’d become ugly!’
Why is that?
Because an enemy doesn’t like to have a beautiful enemy.
An irritable individual, overcome and overwhelmed by anger, is ugly, even though they’re nicely bathed and anointed, with hair and beard dressed, and wearing white clothes.
This is the first thing that pleases and assists an enemy which happens to an irritable woman or man.
Furthermore, an enemy wishes for an enemy:
‘If only they’d sleep badly!’
Why is that?
Because an enemy doesn’t like to have an enemy who sleeps at ease.
An irritable individual, overcome and overwhelmed by anger, sleeps badly, even though they sleep on a couch spread with woolen covers—shag-piled, pure white, or embroidered with flowers—and spread with a fine deer hide, with a canopy above and red pillows at both ends.
This is the second thing …
Furthermore, an enemy wishes for an enemy:
‘If only their needs are not amply satisfied!’
Why is that?
Because an enemy doesn’t like to have an enemy whose needs are amply satisfied.
When an irritable individual, overcome and overwhelmed by anger, gets what they don’t need they think, ‘I’ve got what I need.’ When they get what they need they think, ‘I’ve got what I don’t need.’
When an angry person gets these things that are the exact opposite of what they need, it’s for their lasting harm and suffering.
This is the third thing …
Furthermore, an enemy wishes for an enemy:
‘If only they weren’t wealthy!’
Why is that?
Because an enemy doesn’t like to have an enemy who is wealthy.
When an individual is irritable, overcome and overwhelmed by anger, the rulers seize the legitimate wealth they’ve earned by their efforts, built up with their own hands, gathered by the sweat of their brow.
This is the fourth thing …
Furthermore, an enemy wishes for an enemy:
‘If only they weren’t famous!’
Why is that?
Because an enemy doesn’t like to have a famous enemy.
When an individual is irritable, overcome and overwhelmed by anger, any fame they have acquired by diligence falls to dust.
This is the fifth thing …
Furthermore, an enemy wishes for an enemy:
‘If only they had no friends!’
Why is that?
Because an enemy doesn’t like to have an enemy with friends.
When an individual is irritable, overcome and overwhelmed by anger, their friends and colleagues, relatives and kin avoid them from afar.
This is the sixth thing …
Furthermore, an enemy wishes for an enemy:
‘If only, when their body breaks up, after death, they’re reborn in a place of loss, a bad place, the underworld, hell!’
Why is that?
Because an enemy doesn’t like to have an enemy who goes to a good place.
When an individual is irritable, overcome and overwhelmed by anger, they do bad things by way of body, speech, and mind.
When their body breaks up, after death, they’re reborn in a place of loss, a bad place, the underworld, hell.
This is the seventh thing that pleases and assists an enemy which happens to an irritable woman or man.
These are the seven things that please and assist an enemy which happen to an irritable woman or man.
An irritable person is ugly
and they sleep badly.
When they get what they need,
they take it to be what they don’t need.
An angry person
kills with body or speech;
overcome with anger,
they lose their wealth.
Mad with anger,
they fall into disgrace.
Family, friends, and loved ones
avoid an irritable person.
Anger creates harm;
anger upsets the mind.
That person doesn’t recognize
the danger that arises within.
An angry person doesn’t know the good.
An angry person doesn’t see the truth.
When a person is beset by anger,
only blind darkness is left.
An angry person destroys with ease
what was hard to build.
Afterwards, when the anger is spent,
they’re tormented as if burnt by fire.
Their look betrays their sulkiness
like a fire’s smoky plume.
And when their anger flares up,
they make others angry.
They have no conscience or prudence,
nor any respectful speech.
One overcome by anger
has no island refuge anywhere.
The deeds that torment a man
are far from those that are good.
I’ll explain them now;
listen to this, for it is the truth.
An angry person slays their father;
their mother, too, they slay.
An angry person slays a saint;
a normal person, too, they slay.
A man is raised by his mother,
who shows him the world.
But an angry ordinary person slays
even that good woman who gave him life.
Like oneself, those sentient beings
hold themselves most dear.
But when angered, they kill themselves in different ways,
distraught in many respects.
Some kill themselves with swords,
some, distraught, take poison.
Some hang themselves with rope,
or fling themselves down a mountain gorge.
When they commit deeds of killing babes
and killing themselves,
they don’t realize what they do,
for anger leads to their downfall.
The snare of death in the form of anger
lies hidden in the heart.
You should cut it out by self-control,
by wisdom, energy, and right ideas.
An astute person should cut out
this unskillful thing.
And they’d train in the teaching in just the same way,
not yielding to sulkiness.
Free of anger, free of despair,
free of greed, with no more longing,
tamed, having given up anger,
the undefiled are fully extinguished.”
“Sattime, bhikkhave, dhammā sapattakantā sapattakaraṇā kodhanaṁ āgacchanti itthiṁ vā purisaṁ vā.
Katame satta?
Idha, bhikkhave, sapatto sapattassa evaṁ icchati:
‘aho vatāyaṁ dubbaṇṇo assā’ti.
Taṁ kissa hetu?
Na, bhikkhave, sapatto sapattassa vaṇṇavatāya nandati.
Kodhanoyaṁ, bhikkhave, purisapuggalo kodhābhibhūto kodhapareto, kiñcāpi so hoti sunhāto suvilitto kappitakesamassu odātavatthavasano;
atha kho so dubbaṇṇova hoti kodhābhibhūto.
Ayaṁ, bhikkhave, paṭhamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
Puna caparaṁ, bhikkhave, sapatto sapattassa evaṁ icchati:
‘aho vatāyaṁ dukkhaṁ sayeyyā’ti.
Taṁ kissa hetu?
Na, bhikkhave, sapatto sapattassa sukhaseyyāya nandati.
Kodhanoyaṁ, bhikkhave, purisapuggalo kodhābhibhūto kodhapareto, kiñcāpi so pallaṅke seti gonakatthate paṭalikatthate kadalimigapavarapaccattharaṇe sauttaracchade ubhatolohitakūpadhāne;
atha kho so dukkhaññeva seti kodhābhibhūto.
Ayaṁ, bhikkhave, dutiyo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
Puna caparaṁ, bhikkhave, sapatto sapattassa evaṁ icchati:
‘aho vatāyaṁ na pacurattho assā’ti.
Taṁ kissa hetu?
Na, bhikkhave, sapatto sapattassa pacuratthatāya nandati.
Kodhanoyaṁ, bhikkhave, purisapuggalo kodhābhibhūto kodhapareto, anatthampi gahetvā ‘attho me gahito’ti maññati, atthampi gahetvā ‘anattho me gahito’ti maññati.
Tassime dhammā aññamaññaṁ vipaccanīkā gahitā dīgharattaṁ ahitāya dukkhāya saṁvattanti kodhābhibhūtassa.
Ayaṁ, bhikkhave, tatiyo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
Puna caparaṁ, bhikkhave, sapatto sapattassa evaṁ icchati:
‘aho vatāyaṁ na bhogavā assā’ti.
Taṁ kissa hetu?
Na, bhikkhave, sapatto sapattassa bhogavatāya nandati.
Kodhanassa, bhikkhave, purisapuggalassa kodhābhibhūtassa kodhaparetassa, yepissa te honti bhogā uṭṭhānavīriyādhigatā bāhābalaparicitā sedāvakkhittā dhammikā dhammaladdhā, tepi rājāno rājakosaṁ pavesenti kodhābhibhūtassa.
Ayaṁ, bhikkhave, catuttho dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
Puna caparaṁ, bhikkhave, sapatto sapattassa evaṁ icchati:
‘aho vatāyaṁ na yasavā assā’ti.
Taṁ kissa hetu?
Na, bhikkhave, sapatto sapattassa yasavatāya nandati.
Kodhanoyaṁ, bhikkhave, purisapuggalo kodhābhibhūto kodhapareto, yopissa so hoti yaso appamādādhigato, tamhāpi dhaṁsati kodhābhibhūto.
Ayaṁ, bhikkhave, pañcamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
Puna caparaṁ, bhikkhave, sapatto sapattassa evaṁ icchati:
‘aho vatāyaṁ na mittavā assā’ti.
Taṁ kissa hetu?
Na, bhikkhave, sapatto sapattassa mittavatāya nandati.
Kodhanaṁ, bhikkhave, purisapuggalaṁ kodhābhibhūtaṁ kodhaparetaṁ, yepissa te honti mittāmaccā ñātisālohitā, tepi ārakā parivajjanti kodhābhibhūtaṁ.
Ayaṁ, bhikkhave, chaṭṭho dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
Puna caparaṁ, bhikkhave, sapatto sapattassa evaṁ icchati:
‘aho vatāyaṁ kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjeyyā’ti.
Taṁ kissa hetu?
Na, bhikkhave, sapatto sapattassa sugatigamane nandati.
Kodhanoyaṁ, bhikkhave, purisapuggalo kodhābhibhūto kodhapareto kāyena duccaritaṁ carati, vācāya duccaritaṁ carati, manasā duccaritaṁ carati.
So kāyena duccaritaṁ caritvā vācāya …pe…
kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati kodhābhibhūto.
Ayaṁ, bhikkhave, sattamo dhammo sapattakanto sapattakaraṇo kodhanaṁ āgacchati itthiṁ vā purisaṁ vā.
Ime kho, bhikkhave, satta dhammā sapattakantā sapattakaraṇā kodhanaṁ āgacchanti itthiṁ vā purisaṁ vāti.
Kodhano dubbaṇṇo hoti,
atho dukkhampi seti so;
Atho atthaṁ gahetvāna,
anatthaṁ adhipajjati.
Tato kāyena vācāya,
vadhaṁ katvāna kodhano;
Kodhābhibhūto puriso,
dhanajāniṁ nigacchati.
Kodhasammadasammatto,
āyasakyaṁ nigacchati;
Ñātimittā suhajjā ca,
parivajjanti kodhanaṁ.
Anatthajanano kodho,
kodho cittappakopano;
Bhayamantarato jātaṁ,
taṁ jano nāvabujjhati.
Kuddho atthaṁ na jānāti,
kuddho dhammaṁ na passati;
Andhatamaṁ tadā hoti,
yaṁ kodho sahate naraṁ.
Yaṁ kuddho uparodheti,
sukaraṁ viya dukkaraṁ;
Pacchā so vigate kodhe,
aggidaḍḍhova tappati.
Dummaṅkuyaṁ padasseti,
dhūmaṁ dhūmīva pāvako;
Yato patāyati kodho,
yena kujjhanti mānavā.
Nāssa hirī na ottappaṁ,
na vāco hoti gāravo;
Kodhena abhibhūtassa,
na dīpaṁ hoti kiñcanaṁ.
Tapanīyāni kammāni,
yāni dhammehi ārakā;
Tāni ārocayissāmi,
taṁ suṇātha yathā tathaṁ.
Kuddho hi pitaraṁ hanti,
hanti kuddho samātaraṁ;
Kuddho hi brāhmaṇaṁ hanti,
hanti kuddho puthujjanaṁ.
Yāya mātu bhato poso,
imaṁ lokaṁ avekkhati;
Tampi pāṇadadiṁ santiṁ,
hanti kuddho puthujjano.
Attūpamā hi te sattā,
attā hi paramo piyo;
Hanti kuddho puthuttānaṁ,
nānārūpesu mucchito.
Asinā hanti attānaṁ,
visaṁ khādanti mucchitā;
Rajjuyā bajjha mīyanti,
pabbatāmapi kandare.
Bhūnahaccāni kammāni,
attamāraṇiyāni ca;
Karontā nāvabujjhanti,
kodhajāto parābhavo.
Itāyaṁ kodharūpena,
maccupāso guhāsayo;
Taṁ damena samucchinde,
paññāvīriyena diṭṭhiyā.
Yathā metaṁ akusalaṁ,
samucchindetha paṇḍito;
Tatheva dhamme sikkhetha,
mā no dummaṅkuyaṁ ahu.
Vītakodhā anāyāsā,
Vītalobhā anussukā;
Dantā kodhaṁ pahantvāna,
Parinibbanti anāsavā”ti.
Ekādasamaṁ.
Abyākatavaggo chaṭṭho.
Tassuddānaṁ
Abyākato purisagati,
Tissa sīha arakkhiyaṁ;
Kimilaṁ satta pacalā,
Mettā bhariyā kodhekādasāti.