Reference Translation by Bhikkhu Sujato (CC0).
“Tisso imā, bhikkhave, paṭipadā.
¶ 1“Mendicants, there are three practices.
Katamā tisso?
¶ 2What three?
Āgāḷhā paṭipadā, nijjhāmā paṭipadā, majjhimā paṭipadā.
¶ 3The addicted practice, the scorching practice, and the middle practice.
Katamā ca, bhikkhave, āgāḷhā paṭipadā?
¶ 4And what’s the addicted practice?
Idha, bhikkhave, ekacco evaṁvādī hoti evaṁdiṭṭhi:
¶ 5It’s when someone has this doctrine and view:
‘natthi kāmesu doso’ti.
¶ 6‘There’s nothing wrong with sensual pleasures’;
So kāmesu pātabyataṁ āpajjati.
¶ 7so they throw themselves into sensual pleasures.
Ayaṁ vuccati, bhikkhave, āgāḷhā paṭipadā.
¶ 8This is called the addicted practice.
Katamā ca, bhikkhave, nijjhāmā paṭipadā?
¶ 9And what’s the scorching practice?
Idha, bhikkhave, ekacco acelako hoti muttācāro, hatthāpalekhano, naehibhadantiko, natiṭṭhabhadantiko, nābhihaṭaṁ na uddissakataṁ na nimantanaṁ sādiyati.
¶ 10It’s when someone goes naked, ignoring conventions. They lick their hands, and don’t come or wait when called. They don’t consent to food brought to them, or food prepared on their behalf, or an invitation for a meal.
So na kumbhimukhā paṭiggaṇhāti, na kaḷopimukhā paṭiggaṇhāti na eḷakamantaraṁ na daṇḍamantaraṁ na musalamantaraṁ na dvinnaṁ bhuñjamānānaṁ na gabbhiniyā na pāyamānāya na purisantaragatāya na saṅkittīsu na yattha sā upaṭṭhito hoti na yattha makkhikā saṇḍasaṇḍacārinī na macchaṁ na maṁsaṁ na suraṁ na merayaṁ, na thusodakaṁ pivati.
¶ 11They don’t receive anything from a pot or bowl; or from someone who keeps sheep, or who has a weapon or a shovel in their home; or where a couple is eating; or where there is a woman who is pregnant, breastfeeding, or who lives with a man; or where there’s a hound waiting or flies buzzing. They accept no fish or meat or beer or wine, and drink no fermented gruel.
So ekāgāriko vā hoti ekālopiko, dvāgāriko vā hoti dvālopiko … sattāgāriko vā hoti sattālopiko;
¶ 12They go to just one house for alms, taking just one mouthful, or two houses and two mouthfuls, up to seven houses and seven mouthfuls.
ekissāpi dattiyā yāpeti, dvīhipi dattīhi yāpeti … sattahipi dattīhi yāpeti;
¶ 13They feed on one saucer a day, two saucers a day, up to seven saucers a day.
ekāhikampi āhāraṁ āhāreti, dvāhikampi āhāraṁ āhāreti … sattāhikampi āhāraṁ āhāreti—iti evarūpaṁ addhamāsikampi pariyāyabhattabhojanānuyogamanuyutto viharati.
¶ 14They eat once a day, once every second day, up to once a week, and so on, even up to once a fortnight. They live pursuing the practice of eating food at set intervals.
So sākabhakkhopi hoti, sāmākabhakkhopi hoti, nīvārabhakkhopi hoti, daddulabhakkhopi hoti, haṭabhakkhopi hoti, kaṇabhakkhopi hoti, ācāmabhakkhopi hoti, piññākabhakkhopi hoti, tiṇabhakkhopi hoti, gomayabhakkhopi hoti, vanamūlaphalāhāro yāpeti pavattaphalabhojī.
¶ 15They eat herbs, millet, wild rice, poor rice, water lettuce, rice bran, scum from boiling rice, sesame flour, grass, or cow dung. They survive on forest roots and fruits, or eating fallen fruit.
So sāṇānipi dhāreti, masāṇānipi dhāreti, chavadussānipi dhāreti, paṁsukūlānipi dhāreti, tirīṭānipi dhāreti, ajinampi dhāreti, ajinakkhipampi dhāreti, kusacīrampi dhāreti, vākacīrampi dhāreti, phalakacīrampi dhāreti, kesakambalampi dhāreti, vāḷakambalampi dhāreti, ulūkapakkhikampi dhāreti,
¶ 16They wear robes of sunn hemp, mixed hemp, corpse-wrapping cloth, rags, lodh tree bark, antelope hide (whole or in strips), kusa grass, bark, wood-chips, human hair, horse-tail hair, or owls’ wings.
kesamassulocakopi hoti kesamassulocanānuyogamanuyutto,
¶ 17They tear out their hair and beard, committed to this practice.
ubbhaṭṭhakopi hoti āsanapaṭikkhitto,
¶ 18They constantly stand, turning down seats.
ukkuṭikopi hoti ukkuṭikappadhānamanuyutto,
¶ 19They squat, committed to the endeavor of squatting.
kaṇṭakāpassayikopi hoti kaṇṭakāpassaye seyyaṁ kappeti,
¶ 20They lie on a mat of thorns, making a mat of thorns their bed.
sāyatatiyakampi udakorohanānuyogamanuyutto viharati—
¶ 21They’re devoted to ritual bathing three times a day, including at dusk.
iti evarūpaṁ anekavihitaṁ kāyassa ātāpanaparitāpanānuyogamanuyutto viharati.
¶ 22And so they live pursuing these various ways of mortifying and tormenting the body.
Ayaṁ vuccati, bhikkhave, nijjhāmā paṭipadā.
¶ 23This is called the scorching practice.
Katamā ca, bhikkhave, majjhimā paṭipadā?
¶ 24And what’s the middle practice?
Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ;
¶ 25It’s when a mendicant meditates by observing an aspect of the body—keen, aware, and mindful, rid of covetousness and displeasure for the world.
vedanāsu …pe…
¶ 26They meditate observing an aspect of feelings …
citte …pe…
¶ 27They meditate observing an aspect of the mind …
dhammesu dhammānupassī viharati ātāpī sampajāno satimā vineyya loke abhijjhādomanassaṁ.
¶ 28They meditate observing an aspect of principles—keen, aware, and mindful, rid of covetousness and displeasure for the world.
Ayaṁ vuccati, bhikkhave, majjhimā paṭipadā.
¶ 29This is called the middle practice.
Imā kho, bhikkhave, tisso paṭipadāti.
¶ 30These are the three practices.
Tisso imā, bhikkhave, paṭipadā.
¶ 31Mendicants, there are three practices.
Katamā tisso?
¶ 32What three?
Āgāḷhā paṭipadā, nijjhāmā paṭipadā, majjhimā paṭipadā.
¶ 33The addicted practice, the scorching practice, the middle practice.
Katamā ca, bhikkhave, āgāḷhā paṭipadā …pe…
¶ 34And what’s the addicted practice? …
ayaṁ vuccati, bhikkhave, āgāḷhā paṭipadā.
¶ 35This is called the addicted practice.
Katamā ca, bhikkhave, nijjhāmā paṭipadā …pe…
¶ 36And what is the scorching practice? …
ayaṁ vuccati, bhikkhave, nijjhāmā paṭipadā.
¶ 37This is called the scorching practice.
Katamā ca, bhikkhave, majjhimā paṭipadā?
¶ 38And what’s the middle practice?
Idha, bhikkhave, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;
¶ 39It’s when a mendicant generates enthusiasm, tries, makes an effort, exerts the mind, and strives so that bad, unskillful qualities don’t arise.
uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati;
¶ 40They generate enthusiasm, try, make an effort, exert the mind, and strive so that bad, unskillful qualities that have arisen are given up.
anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati;
¶ 41They generate enthusiasm, try, make an effort, exert the mind, and strive so that skillful qualities arise.
uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati ….
¶ 42They generate enthusiasm, try, make an effort, exert the mind, and strive so that skillful qualities that have arisen remain, are not lost, but increase, mature, and are completed by development. …
Chandasamādhipadhānasaṅkhārasamannāgataṁ iddhipādaṁ bhāveti
¶ 43They develop the basis of psychic power that has immersion due to enthusiasm, and active effort.
vīriyasamādhi …pe…
¶ 44They develop the basis of psychic power that has immersion due to energy, and active effort.
cittasamādhi …pe…
¶ 45They develop the basis of psychic power that has immersion due to mental development, and active effort.
vīmaṁsāsamādhipadhānasaṅkhārasamannāgataṁ iddhipādaṁ bhāveti …pe….
¶ 46They develop the basis of psychic power that has immersion due to inquiry, and active effort. …
Saddhindriyaṁ bhāveti …
¶ 47They develop the faculty of faith …
vīriyindriyaṁ bhāveti …
¶ 48energy …
satindriyaṁ bhāveti …
¶ 49mindfulness …
samādhindriyaṁ bhāveti …
¶ 50immersion …
paññindriyaṁ bhāveti …pe….
¶ 51wisdom …
Saddhābalaṁ bhāveti …
¶ 52They develop the power of faith …
vīriyabalaṁ bhāveti …
¶ 53energy …
satibalaṁ bhāveti …
¶ 54mindfulness …
samādhibalaṁ bhāveti …
¶ 55immersion …
paññābalaṁ bhāveti …pe….
¶ 56wisdom …
Satisambojjhaṅgaṁ bhāveti …
¶ 57They develop the awakening factor of mindfulness …
dhammavicayasambojjhaṅgaṁ bhāveti …
¶ 58investigation of principles …
vīriyasambojjhaṅgaṁ bhāveti …
¶ 59energy …
pītisambojjhaṅgaṁ bhāveti …
¶ 60rapture …
passaddhisambojjhaṅgaṁ bhāveti …
¶ 61tranquility …
samādhisambojjhaṅgaṁ bhāveti …
¶ 62immersion …
upekkhāsambojjhaṅgaṁ bhāveti …pe….
¶ 63equanimity …
Sammādiṭṭhiṁ bhāveti …
¶ 64They develop right view …
sammāsaṅkappaṁ bhāveti …
¶ 65right purpose …
sammāvācaṁ bhāveti …
¶ 66right speech …
sammākammantaṁ bhāveti …
¶ 67right action …
sammāājīvaṁ bhāveti …
¶ 68right livelihood …
sammāvāyāmaṁ bhāveti …
¶ 69right effort …
sammāsatiṁ bhāveti …
¶ 70right mindfulness …
sammāsamādhiṁ bhāveti ….
¶ 71right immersion …
Ayaṁ vuccati, bhikkhave, majjhimā paṭipadā.
¶ 72This is called the middle practice.
Imā kho, bhikkhave, tisso paṭipadā”ti.
¶ 73These are the three practices.”
Acelakavaggo chaṭṭho.
Tassuddānaṁ
Satipaṭṭhānaṁ sammappadhānaṁ,
Iddhipādindriyena ca;
Balaṁ bojjhaṅgo maggo ca,
Paṭipadāya yojayeti.