SN 35.16 In Search of Gratification (Exterior)

Reference Translation by Bhikkhu Sujato (CC0).

“Mendicants, I went in search of the gratification of sights,

and I found it. …”

​

​

​

​

​

​

​

​

​

​

​

​

​

​

​

​

​

​

​

​

​

​

​

​

“Rūpānāhaṁ, bhikkhave, assādapariyesanaṁ acariṁ.

Yo rūpānaṁ assādo tadajjhagamaṁ.

Yāvatā rūpānaṁ assādo paññāya me so sudiṭṭho.

Rūpānāhaṁ, bhikkhave, ādīnavapariyesanaṁ acariṁ.

Yo rūpānaṁ ādīnavo tadajjhagamaṁ.

Yāvatā rūpānaṁ ādīnavo paññāya me so sudiṭṭho.

Rūpānāhaṁ, bhikkhave, nissaraṇapariyesanaṁ acariṁ.

Yaṁ rūpānaṁ nissaraṇaṁ tadajjhagamaṁ.

Yāvatā rūpānaṁ nissaraṇaṁ, paññāya me taṁ sudiṭṭhaṁ.

Saddānāhaṁ, bhikkhave …

gandhānāhaṁ, bhikkhave …

rasānāhaṁ, bhikkhave …

phoṭṭhabbānāhaṁ, bhikkhave …

dhammānāhaṁ, bhikkhave, assādapariyesanaṁ acariṁ.

Yo dhammānaṁ assādo tadajjhagamaṁ.

Yāvatā dhammānaṁ assādo paññāya me so sudiṭṭho.

Dhammānāhaṁ, bhikkhave, ādīnavapariyesanaṁ acariṁ.

Yo dhammānaṁ ādīnavo tadajjhagamaṁ.

Yāvatā dhammānaṁ ādīnavo paññāya me so sudiṭṭho.

Dhammānāhaṁ, bhikkhave, nissaraṇapariyesanaṁ acariṁ.

Yaṁ dhammānaṁ nissaraṇaṁ tadajjhagamaṁ.

Yāvatā dhammānaṁ nissaraṇaṁ, paññāya me taṁ sudiṭṭhaṁ.

Yāvakīvañcāhaṁ, bhikkhave, imesaṁ channaṁ bāhirānaṁ āyatanānaṁ assādañca assādato, ādīnavañca ādīnavato, nissaraṇañca nissaraṇato yathābhūtaṁ nābbhaññāsiṁ …pe… paccaññāsiṁ.

Ñāṇañca pana me dassanaṁ udapādi:

‘akuppā me vimutti, ayamantimā jāti, natthi dāni punabbhavo’”ti.

Catutthaṁ.