Reference Translation by Bhikkhu Sujato (CC0).
Atha kho āyasmā samiddhi yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ samiddhiṁ āyasmā sāriputto etadavoca:
Then Venerable Samiddhi went up to Venerable Sāriputta, bowed, and sat to one side. Venerable Sāriputta said to him:
“Kimārammaṇā, samiddhi, purisassa saṅkappavitakkā uppajjantī”ti?
“Samiddhi, based on what do thoughts arise in a person?”
“Nāmarūpārammaṇā, bhante”ti.
“Based on name and form, sir.”
“Te pana, samiddhi, kva nānattaṁ gacchantī”ti?
“Where do they become diversified?”
“Dhātūsu, bhante”ti.
“In the elements.”
“Te pana, samiddhi, kiṁsamudayā”ti?
“What is their origin?”
“Phassasamudayā, bhante”ti.
“Contact is their origin.”
“Te pana, samiddhi, kiṁsamosaraṇā”ti?
“What is their meeting place?”
“Vedanāsamosaraṇā, bhante”ti.
“Feeling is their meeting place.”
“Te pana, samiddhi, kiṁpamukhā”ti?
“What is their chief?”
“Samādhippamukhā, bhante”ti.
“Immersion is their chief.”
“Te pana, samiddhi, kiṁadhipateyyā”ti?
“What is their ruler?”
“Satādhipateyyā, bhante”ti.
“Mindfulness is their ruler.”
“Te pana, samiddhi, kiṁuttarā”ti?
“What is their overseer?”
“Paññuttarā, bhante”ti.
“Wisdom is their overseer.”
“Te pana, samiddhi, kiṁsārā”ti?
“What is their core?”
“Vimuttisārā, bhante”ti.
“Freedom is their core.”
“Te pana, samiddhi, kiṁogadhā”ti?
“What is their objective?”
“Amatogadhā, bhante”ti.
“Their objective is freedom from death.”
“‘Kimārammaṇā, samiddhi, purisassa saṅkappavitakkā uppajjantī’ti, iti puṭṭho samāno ‘nāmarūpārammaṇā, bhante’ti vadesi.
“Samiddhi, when you were asked what is the basis on which thoughts arise in a person, you answered ‘name and form’.
‘Te pana, samiddhi, kva nānattaṁ gacchantī’ti, iti puṭṭho samāno ‘dhātūsu, bhante’ti vadesi.
When you were asked …
‘Te pana, samiddhi, kiṁsamudayā’ti, iti puṭṭho samāno ‘phassasamudayā, bhante’ti vadesi.
‘Te pana, samiddhi, kiṁsamosaraṇā’ti, iti puṭṭho samāno ‘vedanāsamosaraṇā, bhante’ti vadesi.
‘Te pana, samiddhi, kiṁpamukhā’ti, iti puṭṭho samāno ‘samādhippamukhā, bhante’ti vadesi.
‘Te pana, samiddhi, kiṁadhipateyyā’ti, iti puṭṭho samāno ‘satādhipateyyā, bhante’ti vadesi.
‘Te pana, samiddhi, kiṁuttarā’ti, iti puṭṭho samāno ‘paññuttarā, bhante’ti vadesi.
‘Te pana, samiddhi, kiṁsārā’ti, iti puṭṭho samāno ‘vimuttisārā, bhante’ti vadesi.
‘Te pana, samiddhi, kiṁogadhā’ti, iti puṭṭho samāno ‘amatogadhā, bhante’ti vadesi.
what is their objective, you answered ‘freedom from death’.
Sādhu sādhu, samiddhi.
Good, good, Samiddhi!
Sādhu kho tvaṁ, samiddhi, puṭṭho puṭṭho vissajjesi, tena ca mā maññī”ti.
It’s good that you answered each question. But don’t get conceited because of that.”
Catutthaṁ.
Reference Translation by Bhikkhu Sujato (CC0).
Then Venerable Samiddhi went up to Venerable Sāriputta, bowed, and sat to one side. Venerable Sāriputta said to him:
“Samiddhi, based on what do thoughts arise in a person?”
“Based on name and form, sir.”
“Where do they become diversified?”
“In the elements.”
“What is their origin?”
“Contact is their origin.”
“What is their meeting place?”
“Feeling is their meeting place.”
“What is their chief?”
“Immersion is their chief.”
“What is their ruler?”
“Mindfulness is their ruler.”
“What is their overseer?”
“Wisdom is their overseer.”
“What is their core?”
“Freedom is their core.”
“What is their objective?”
“Their objective is freedom from death.”
“Samiddhi, when you were asked what is the basis on which thoughts arise in a person, you answered ‘name and form’.
When you were asked …
what is their objective, you answered ‘freedom from death’.
Good, good, Samiddhi!
It’s good that you answered each question. But don’t get conceited because of that.”
Atha kho āyasmā samiddhi yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ samiddhiṁ āyasmā sāriputto etadavoca:
“Kimārammaṇā, samiddhi, purisassa saṅkappavitakkā uppajjantī”ti?
“Nāmarūpārammaṇā, bhante”ti.
“Te pana, samiddhi, kva nānattaṁ gacchantī”ti?
“Dhātūsu, bhante”ti.
“Te pana, samiddhi, kiṁsamudayā”ti?
“Phassasamudayā, bhante”ti.
“Te pana, samiddhi, kiṁsamosaraṇā”ti?
“Vedanāsamosaraṇā, bhante”ti.
“Te pana, samiddhi, kiṁpamukhā”ti?
“Samādhippamukhā, bhante”ti.
“Te pana, samiddhi, kiṁadhipateyyā”ti?
“Satādhipateyyā, bhante”ti.
“Te pana, samiddhi, kiṁuttarā”ti?
“Paññuttarā, bhante”ti.
“Te pana, samiddhi, kiṁsārā”ti?
“Vimuttisārā, bhante”ti.
“Te pana, samiddhi, kiṁogadhā”ti?
“Amatogadhā, bhante”ti.
“‘Kimārammaṇā, samiddhi, purisassa saṅkappavitakkā uppajjantī’ti, iti puṭṭho samāno ‘nāmarūpārammaṇā, bhante’ti vadesi.
‘Te pana, samiddhi, kva nānattaṁ gacchantī’ti, iti puṭṭho samāno ‘dhātūsu, bhante’ti vadesi.
‘Te pana, samiddhi, kiṁsamudayā’ti, iti puṭṭho samāno ‘phassasamudayā, bhante’ti vadesi.
‘Te pana, samiddhi, kiṁsamosaraṇā’ti, iti puṭṭho samāno ‘vedanāsamosaraṇā, bhante’ti vadesi.
‘Te pana, samiddhi, kiṁpamukhā’ti, iti puṭṭho samāno ‘samādhippamukhā, bhante’ti vadesi.
‘Te pana, samiddhi, kiṁadhipateyyā’ti, iti puṭṭho samāno ‘satādhipateyyā, bhante’ti vadesi.
‘Te pana, samiddhi, kiṁuttarā’ti, iti puṭṭho samāno ‘paññuttarā, bhante’ti vadesi.
‘Te pana, samiddhi, kiṁsārā’ti, iti puṭṭho samāno ‘vimuttisārā, bhante’ti vadesi.
‘Te pana, samiddhi, kiṁogadhā’ti, iti puṭṭho samāno ‘amatogadhā, bhante’ti vadesi.
Sādhu sādhu, samiddhi.
Sādhu kho tvaṁ, samiddhi, puṭṭho puṭṭho vissajjesi, tena ca mā maññī”ti.
Catutthaṁ.